Vawiin (Sept. 4, 2026) khan College of Nursing, Synod Hospital, Durtlang leh Central KTP tawngkawpin Aizawl Municipal Council Area chhunga Pastor Bial KTP 51-te pualin nikhat awh Workshop an buatsaih a. He hunah hian Bial tin atanga member pathum theuh tel tura sawmna pe chhuak niin member 169 lai an kal thei a ni.
Workshop-hi Mrs. RC Lalrengpuii, Principal-in a kaihruai a, Dr. RL Sanghluna, Director, Synod Hospital-in inlawmna thu sawiin Mrs. Vanlallawmtlingi, Asst. Professor, College of Nursing, Synnod Hospital-in Workshop buatsaih dan chungchang a sawi bawk. Workshop-hi hun hnihah ah then a ni a, thupui pali (4) thlang chhuakin, Communicable Diseases chungchang Ms. Ramdinmawii, Tutor in a sawi a, Ms. Ruth Laldinpuii, Tutor-in Communicable Diseases chungchang a sawi thung. Chawhnu lamah Ms. Esther Lalhriatpuii, Tutor-in First Aid chungchang sawiin Basic Life Support - Ms PC Lalhriatzuali, Tutor-in sawi lehin sawi hona in a zui nghal a. Ms. R. Lalmuanpuii, Vice Principal-in lawmthu sawina hun hmangin Rev. Dr. KM Vanlalpeka, CKTP Leader-in malsawmna in workshop hi a khar a ni.