Campus Ministry
September 2-4, 2026 chhung khan Gospel Week hmangin Synod Home Mission School, Marpara-ah hun an hmang a, Rev. Johny Lalremfela, Director leh Resource Person-te Pu C. John Saiparliana leh Tv. Lalrinmawia te an kal.
MSSU
September 5, 2026 (Inrinni) khan Sunday School Zirtirtu Training neihpuiin Trainer-te hetiang hian an chhuak ang :
Bangalore Bialah Upa Lalthahluna Ralte leh Upa H. Lalnghinglova
Darlawn Bialah Upa K. Zoremsanga, Upa B. Hmingthanruala leh Upa Lalrinawma Ralte
Ngopa Bialah Upa K. Vanlalnghaka, Upa B. Malsawmtluanga leh Upa C. Lalbiaksanga
Trust
September 9, 2026 (Nilaini) khan Tlungvel Pastor Quarters building en felin Upa Thangliankhuma, AE leh Pu Kros Nuntluanga, JE te an kal.
Synfo
September 9-10, 2026 chhung khan Mamitah Hruaina Eng TV Programme siamin Pu Peter Lalanpuia, OA leh Tv. Vanlaldampuia, Cameraman te an kal.
Mizoram Christian College (MCC)
Mizoram Christian College (MCC) chuan September 3 hi Club Day atan an hmang a, hemi ni hian MCC-a Club panga ten activities hrang hrang hetiang hian an nei:
(1) Adventure Club: Adventure Club hian ni hnih chhungin State Adventure Training Centre, Vaipuanpho, Ailawng-ah Adventure Training Camp an nei a. He camp-ah hian zirlai 54 leh zirtirtu 5 ten zan riakin hun an hmang. Camp neih chhung hian zirlaite hi adventure kaihhnawih hrang hrang - puanin kaih dan, hrui suih dan, rapelling, jumaring leh a dangte, sorkar lam atanga mi thiam bik pahnih kaihhruaina hnuaiah uluk taka zirtir an ni. Sports & Youth Services Department-a Adventure Promotion Officer, Pu Moses Lalthanpuia'n adventure sports tangkaina te, survival skills chungchang te, tanrual pawimawhna leh thil tangkai dangte a zirtir bawk.
(2) Agripreneur Club: Agripreneur club chuan Thiak khua an tlawh a. Zirlai 53 leh zirtirtu 4 an kal. Lo leh huanahte an kal a, sawhthing enkawl dan leh thlai hrang hrang chin dante zirlaite hrilh fiah an ni a. Sunhlu, balhla leh lakhuihthei hmunte fan kualpui an ni bawk a, a enkawl dante zirtir an ni.
(3) Art & Music Club: Art & Music Club-te hian zirlaite chu music leh art lama an talent hai chhuahna hun atan an hmang a. Chumi tur atan chuan Food and Art Stalls, Mini Concert, Karaoke, Arm-Wrestling, Haunted House leh Shooting Range an buatsaih a, zirlai 200 chuangin an chhim a ni.
(4) Chuailo Cultural Club: Chuailo Cultural Club chuan College Campus-ah Mizo hnam thuam inbelin hnam incheina leh Mizo kut chhuak (handmade) chi hrang hrang pho chhuahna hun an hmang a. Mizo kutkawih thil hrang hrangte chu khawvel huapah pawh a chhuanawmzia tar lanna ni atan an hmang a ni.
(5) Literature Club: Literature Club-te chuan KT Resort, Selesih-ah Literature lama hma an sawnna turin heti lam hawi movie en hona leh literature inzirtirna hun an hmang. He hunah hian zirlai 30 leh zirtirtu 5 an kal a ni. (insert pic..mcc 1-5)
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Khawhai South-a vanduaina tawk chhungkaw pakhat hnenah Rs.50,000/-, Buhchangphai Biala tuilian tuar chhungkaw pahnih hnenah Rs.30,000/-, Sihthiang Vengthara leimin tuar chhungkaw pahnih hnenah Rs.30,000/-, Damvenga damlo mi pahnih hnenah Rs.20,000/-, Bukpui khuaa khawsak harsa chhungkaw pahnih hnenah Rs.20,000/-, Ramthar North-a damlo mi pahnih hnenah Rs.20,000/-, Phainuam khuaa khawsak harsa chhungkaw pakhat hnenah Rs.10,000/-, Rengdil Dinthara damlo mi pakhat hnenah Rs.10,000/-, Bungtlang Bazar venga damlo mi pakhat hnenah Rs.10,000/-, Rangvamuala damlo mi pakhat hnenah Rs.10,000/- leh Kharzawl khuaa damlo mi pakhat hnenah Rs.10,000/- pek a ni.