Synod Multipurpose Training Centre (SMTC) buatsaih Lay Leaders Training vawi 240-na chu September 14, 2026 (Thawhtanni) zan khan SMTC-ah hawn a ni.
Training hawnna inkhawm hi Rev. H. Lalmuanchhana, Director-in a kaihruai a. Pastor Lalnunmawia Pachuau, Mission Vengthlang Bial vawngtu-in training hawngin thuchah a sawi a, Nl.Maria Lalmuanpuii, Chhiahtlang Chanmari a zai bawk.
Tun tum training-ah hian Presbytery 14 atangin Kohhran Upa 48 an tel thei a, training chhunga Resource person turte chu Rev. Dr. Rualthankhuma, Rev. F. Lalhmingthanga leh Rev. K. Rolungmuana te an ni ang.
Kohhran Upate tana Lay Leaders’ Training hi kum 1996 atang khan neih tan a ni a, training-ah hian Kohhran Upate tan Kohhran enkawl dan leh inrelbawlna lam atana pawimawh chi hrang hrangte zir thin a ni a. Kohhran thlarau lam nun enkawl dan tha te zir ho thin a ni bawk.
Training hi September 18, 2026 (Zirtawpni) zanah khar a ni ang.
For more Pics Click Here