Vawiin (Sept. 17, 2026) khan JM Llyod Hall, Synod Office-ah Council of Churches in Mizoram (CCM) Executive Committee neih a ni.
Meeting hi Rev. Dr. R. Lalbiakliana, President, CCM-in a kaihruai a. Secretary report-in a tarlan danin CCM hi Income Tax dân hnuaia Section 12A-a a in-register loh chuan tax pek ziah a ngai dawn a. Chutianga in-register tur chuan Religious Charitable Trust anga tih tha bera hriat a nih avangin Trust Deed chu Chartered Accountant kaihhruainain siam fel a ni. Sawrkar-ah registered a nih tawh thute, Board of Trustees-ah hian mi 3 atanga 51 awm theih a nih thu te report ngaihthlak a ni a. Working Committee chuan CCM aiawha Board of Trustees atân mi 5 chu tâwkin a hria a, mi panga a ruat ta a, chûngte chu -
(1) Rev. Dr. Lalhmangaiha (Secretary)
(2) Upa R. Lalmalsawma
(3) Rev. Dr. C. Lalhungliana
(4) Rev. Dr. K. Lallawmzuala
(5) Macha Vabeiha Hlychho
Heng Board of Trustees-te hian kut zungpui nemin, thlalak nen Revenue Department Office-ah registration an tih fel tawh thu te Secretary Report-ah hian tarlan a ni bawk.
Tun tum meeting-a an thurel tlangpuite chu - Service Rules chungchang te, ruihhlo do kawnga hmalak dan tur te, CCM-WA leh CCM-YA din chungchang te, Vande Materam chungchang te, ram zawn chungchang te, membership dilna te leh committee member ruat dan tur te a ni.
October 15, 2026 (Ningani) zan hian Dawrpui Kohhran Biak Inah 'Fakna Kutpui' nei turin ruahmanna siam a ni a. Hei hi CCM Working Committee chuan a lo pawm tawh a ni.