September 27, 2026 (Pathianni) khan Tangphai Presbyterian Church Provisional Synod chu Rev. HL Myrsing, PCI Moderator-in Jubili Church, D. Phailian, Churachanpur-ah Synod puitlingah a hlangkai.
Tangphai Synod hi PCI General Assembly hnuaia Synod 12-na a ni a, member tam lamah erawh chuan 9-na an ni. October 23, 2022 khan Tangphai Presbyterian Church tih hming puin Tangphai Presbyterian Church Provisional Synod atan hawn a lo ni tawh a ni.
Kohhran inchhiarna lam :
Dan zawhkim - 14,320
Member zawng zawng zat - 20,786
Kohhran - 108
Presbytery - 4
Pastor Bial zat - 25
Minister - 26 (Mizo Pastor 2 an la awm mek)
Synod puitlinga hlankai an nih rual hian Tangphai kohhranhoten Mizoram Synod an rawn zawm kum 25-na, Silver Jubilee pawh ropui takin S. Munnuam Kohhran Biak Inah September 26, 2026 (Inrinni) khan lawm a ni a, Synod Moderator, Rev. John Raldosanga’n Silver Jubilee lungphun hawngin thuchah a sawi a, Rev. Lalramliana Pachuau-in Souvenir a tlangzarh a, Tangphai Synod zaipawl an zai bawk. Chawhnu inkawm khawmnaah Rev. Dr. V.L. Luaia Hranleh, Senior Executive Secretary, Mizoram Synod-in thuchah tawi a sawi a, hruaitu hlui te tawnhriat ngaihnawm tak tak ngaithla a ni bawk.
For more Pics Click Here