Trust
September 24, 2026 (Ningani) khan Keifang Melvenga Synod hmun tur leiin Upa Thangliankhuma, AE leh Pu Kros Nuntluanga, JE te an kal.
Campus Ministry
September 25-27, 2026 chhung khan Serchhip Kawnpui Kohhranah Mizoram Students' Evangelical Union, Spiritual Convention, 2026 neih a ni a, Upa Lalnunpuia Hrahsel Speaker niin "I awmna apiangah êng rawh." tih thupui hmangin Pathian thuchah ngaihthlak a ni a, hemi hunah hian Tv. Lalrinchhana, Counsellor-in 'Chibai bukna' a sawi a ni. Convention hmangtu zirlai leh zirtirtu riak lut mi 1200 vel an ni.
Worship
September 25, 2026 (Zirtawpni) khan Hortoki-ah Musiz Training neihpuiin Pu Benjamin Sailo, Music Instructor a kal.
Finance
September 26-27, 2026 chhung khan Thenzawl Vengthlang Bialah Account Training leh Finance Campaign neiin campaigner-te, Upa R. Lalbiakdika, Synod Office, Upa PC Vanlalrova, Upa Lalsiammawia Pachuau leh Upa PL Chhuanthanga te an kal. Account Training-ah hian mi 102 an kal a ni.
Synfo
October 2-4, 2026 chhung hian Thingsulthliahah Masihi Sangati Convention Live Coverage buaipuiin thawktute – Pu Peter Lalanpuia, Pu David Lalruattluanga leh Pu H. Laltanpuia te an kal.
Synod Relief Fund
Tun hnaia harsatna hrang hrang tawkte hnenah Synod Relief Fund atangin hetiang hian chhawmdawlna pek a ni.
Serchhip P&E Veng-a leimin tuar chhungkaw 7 hnenah Rs.91,000/-, Phainuam-a tuilian tuar chhungkaw 2 hnenah Rs.24,000/-, Darlawn Venghluna damlo mi 2 hnenah Rs.20,000/-, Chalrang-a chhungkaw khawsak harsa 2 hnenah Rs.20,000/-, Vairengte Dinthara leimin tuar chhungkaw 1 hnenah Rs.15,000/-, Thingsulthliah Hospital Venga leimin avanga in chhia chhungkaw 1 hnenah Rs.12,000/-, Tuidama damlo mi 1 hnenah Rs.10,000/-, Saipum Chhimvenga damlo mi 1 hnenah Rs.10,000/-, Builuma damlo mi 1 hnenah Rs.10,000/-, a vaiin Rs.2,12,000/- pek an ni.