October 2 - 4, 2026 chhung hian Masihi Sangati Convention vawi 34-na chu Thingsulthliahah neih mek a ni a, zanin (Oct. 4, 2026) hian a tiak ang.
Convention thupui atan 'Khawvel mamawh Isua Krista' (Johana 6:68) tih hman a ni a, Rev. B. Zobiaktluanga, Aizawl South Bial vawngtu chu speaker a ni.
October 2, 2026 (Zirtawpni) zan khan Inlawmna inkhawm neih a ni a, Rev. Dr. Rosiamliana Tochhawng, Executive Secretary i/c Ramthar-in programme a kaihruai a, Pu Albert Lalhmangaiha, SMB Co-ordinator-in Inlawmna leh Inhmelhriattirna hun a hmang. Synod Moderator Rev. John Raldosanga'n Pathian thuchah a sawi a, Bial Report ngaihthlak a ni bawk.
October 3, 2026 (Inrinni) zingah Tawngtai inkhawm hun hman a ni a, chawhma Pathian biak inkhawmah Rev. Zorammuana, Aizawl West Bialtuin inkhawm a kaihruai a, Speaker Rev. B. Zobiaktluanga hnen atangin Pathian thuchah ngaihthlak a ni. Chawhnu lamah Fellowship & Cultural Programme hun hman a ni. Zan Pathian biak inkhawmah Rev. R. Lalfakawma, Khawchhak Bialtuin inkhawm a kaihruai a, Speaker hnen atangin Pathian thuchah ngaihthlak leh a ni. Inkhawm banah Fellowship & Zaikhawm neih a ni bawk.
Vawiin (Oct. 4, 2026) zingah tawngtai inkhawm neih leh a ni a,chawhma Pathian biak inkhawmah Rev. Vanlalhuma, Thingsulthliah Bialtuin inkhawm a kaihruai a, Speaker hnen atangin Pathian thuchah ngaihthlak a ni. Chawhnu inkhawm chu Rev. Vanlalhruaia Ralte, Aizawl Central Bialtuin a kaihruai a, Speaker hnen atangin Pathian thuchah ngaihthlak a ni. Zan Pathian biak inkhawmah Rev. R.K. Lalawmpuia, i/c Aizawl North Bialtuin inkhawm a kaihruai ang a, Rev. R. Lalhmingsanga, SMB Secretary hnen atangin Pathian thuchah ngaihthlak a ni ang. Inkhawm banah Fellowship & Zaikhawm neih a ni leh ang.
Inkhawm apiang hian Solo, Band, Zaipawl zai ngaihthlak tur a awm ziah bawk.
Masihi Sangati Convention hi Mizoram Synod media - Synfo chuan Mizoram Synod YouTube leh Hruaina Eng TV-ah te Live telecast thin a ni.