October 2, 2026 (Inrinni) khan Synod Social Front, CYMA leh MHIP buatsaihin Mizoram pumah ruihhlo do kawng zawh neih a ni.
Aizawlah chuan innghah khawmna tur hmun rukah siamin, zing dar 9:30-ah ṭan a ni a. Dar 11:00-ah Lammuala hun hmang turin innghah khawmna hmun aṭang hian Lammual hi an pan khawm a ni. Kawng zawhnaah kalte hian ruihhlo dona thu ziak hrang hrangte an keng a, an au rual bawk a ni.
Dar 11:00-ah Lammualah hun hman a ni a. Rev. Dr. V.L. Luaia Hranleh, Sr. Executive Secretary, Mizoram Synod chuan programme a kaihruai a. Lalrinpuii, Minister, Health, Social Welfare, etc-in thuchah tawi a sawi a. Kal khawmte'n ruihhlo ti lo turin thu an tiam a. Hei hi R. Lalngheta, President, CYMA-in a kaihruai a ni. Upa Lallianmawia, Org. Committee Member chuan au rual a kaihruai bawk. Rev. Dr. K. Lallawmzuala, Chairman, Org. Committee chuan thuchah a sawi a, One in Christ-ten Pathian fakna hla vawihnih an sa a ni.
Ram pum huap ruihhlo do kawng zawh hi Mizoram hmun hrang hrangah neih a ni a. Junior Depatment aṭanga Senior Department zirtute tel tura beisei an nih angin an tel ṭha hle a, an chhungten an kalpui nual bawk a ni.