Rev. C. Lalengzauva (kum 92), pensioner chu October 1, 2026 (Ningani) Chawhma dar 10:30 khan a boral a, October 2, 2026 (Zirtawpni) chawhnu dar 1:00 khan Luangmual West Kohhran Biak Inah Synod Moderator Rev. John Raldosanga’n a vui a ni.
Pian leh murna :
Rev. C. Lalengzauva hi March 2, 1934-ah Lenchim khuaah a piang a. A pa chu Puia (Laikunga) a ni a, a nu chu Laithangi a ni. March 9, 1955-ah Liankhumi d/o Laikhuma, Lenchim fanu nen Ruallung Biak Inah an innei a, fa 9 (mipa 6 leh hmeichhia 3) neiin, tu chhuan 75 a nei bawk.
Zirna leh kohhrana rawngbawlna lam :
Rev. C. Lalengzauva hian Lenchim-ah Lower Primary 1947-ah a zo va, Saitual Middle School atangin 1951-ah pawl ruk a passed leh a. Hei bak chu chhungkaw harsatna avangin zirna a chhunzawm thei ta rih lo va, lo lam hna a thawk zui ta a ni.
1960-ah Lenchim Kohhran Upa atan thlan a ni a, Hmarchhak Presbytery Inkhawmpui, Ngopa-ah nemngheh a ni. A tleirawl chhuah atanga Pathian thu zir a lo châk tawh chu châk thar lehin 1960-ah Aizawl Theological School-a zir a dil ve ta a, lak zingah a tel lova. Amaherawhchu, Pathian thu zir a duh em avangin tling ngei turin zirna sang zawk turin a nupui leh a fate kalsanin St. John High School, Kolasib-ah a lut tha leh ta a. Hetih mek lai hian Lenchim Primary School-a zirtirtu hna a hmu a. Mahse Pathian thu zir tura inbuatsaih a duh zawk avangin a kalsan ta a ni.
Kum khat lehkha a zir hman tihin Pathian thu zir tur chuan lak a ni ve ta a, 1963-ah Aizawl Theological School-ah lutin 1965-ah Diploma course chu first division-ah a passed ve leh ta a. Hemi kum vek hian Pro. Pastor atan lak a ni a, Chhimphei Presbytery huam chhunga Sialsuk Biala thawk turin ruat a ni a. January 1966-ah a thawk tan a, Pastor Thangpuiliana kaihhruaina hnuaiah a thawk a ni. Kum hnih leh a chanve a thawh hnuin Special Synod, June 1968, Dawrpui-a neihah nemngheh a ni. Pastor atan nemngheh a nih hian a awmna Sialsuk Bial atanga bial thar, Thenzawl Pastor Bial vawng tura ruat a ni. Thenzawl Bialah hian kum 14 a awm hnuin Pastor-te kum 10 dan zela sawn kual ni tawh se tih a ni ta a. Ani pawh 1980 January atangin Bukpui Bial vawng turin Bukpui ah a insawn ta a ni.
1981-1885 chhung B.Th. zirin Aizawl Theological College-ah a lut leh a. A zir zawh May 1985-ah Reiek Bial vawng tura tih a ni a, Reiek-ah a insawn leh a. January 1992 atangin Luangmual Bial a vawng a, he Bial atang hian January 1996-ah pension-in a chawl ta a ni.
Rev. C. Lalengzauva hi kum 30 chhung Synod hnuaiah Pastor hna thawkin rawng a bawl a. A thawh chhung hian nupa tuak 282 a inneihtir a, mi 2862 baptisma a chantir bawk. Bial Inkhawmpui Chairman-ah vawi 8, Presbytery Moderator-ah vawi 8 a tang bawk a. Tin, Synod hnuaia Committee hrang hrang - Nomination, Sub-Pastoral, Executive, Pastoral, Ramthar, Finance leh Mizo Sunday School Union-ah te a tel tawh bawk. A chawlh hnu, November 1996 atangin Bethesda Counselling Centre-ah counsellor hna a thawk bawk.
Kohhran tana thahnemngai leh theihtawp chhuah thin, a tul chuan hlauhawm pawh tawn mai thin a ni. Rambuai laia Samlukhai Biak In sipai hovin an luah pawh a ho hian an hnawt chhuak thei a ni.
Khua leh khua inrem lohna avanga inepna te pawh Pathian hmachhuanin, remna a awm theih nan a hmachhawn a, remna an siam thei a. Kohhran thlarau nun a ngai pawimawh a, a Bial vawn tawhah te Kohhran mite humhim kawngah tan a la nasa hle thin.
A nat dan leh hun hnuhnung :
Kum 2022 kum tir lam atang khan Biak In pawh a thleng peih ta meuh lova, a taksa pawh a chak tawk ta lova. Hetiang a ni chung pawh hian a theih ang tawkin zing tawngtai inkhawm erawh chu a kal hram thin. Ama taksa a chak tawh loh avang hian thawk lamah te harsatna a nei a. A kum a lo tam tak hnu hian a hriatna lam te a lo chaklo ve tial tial bawk a. Biak Ina a inkhawm theih hnuhnung ber chu April 3, 2026 (Good Friday) a ni.
A taksa chak tawk tawh loh avangin Synod Hospital ah June 6, 2026 khan admit a ni a. Doctor ten uluk takin an en a, a chuap leh a thin te a lo chhe tawh viau mai a, amaherawhchu Kohhran hote tawngtaina avangin heng a natna zawng zawngte hi Doctor-te mak tih khawpin a lo dam leh ta tlat mai a. Tichuan dam tha takin June 26, 2026-ah in lama enkawl turin an chhuak thei ta hial a ni. Hemi hnu hian in lamah duat taka enkawl niin, a tha chho viau a. Mahse, zunkawng lam chiang lo avangin khawsik te neiin enkawl zui a ni leh a. July 31, 2026 zan lam atangin thawk lamah harsatna a neih avangin oxygen te pek a ngai a. October 1, 2026 (Ningani) Chawhma dar 10:30 khan a rawngbawl sak thin Lalpa hnenah thlamuang takin a chawl ta a ni.
VUINA PROGRAMME
A hmun : Luangmual West Kohhran Biak In
A hun : October 2, 2026 (Zirtawpni) Chawhnu dar 1:00
Vuitu : Rev. John Raldosanga, Synod Moderator
Chanchin sawi : Rev. B. Zohmangaiha, Synod Secretary
Thlamuanna Thuchah : Rev. John Raldosanga, Synod Moderator
Zaipawl : Luangmual West Kohhran Zaipawl
Tawngtaisaktu : Upa C. Lalduhawma, Synod Secretary (Jr.)
Hla sak ho : ‘Thihna lui piahah khawpui mawi tak chu a awm’ - KHB No. 521
Malsawmna : Rev. Vanlalzuata, Finance Officer
Thlanmual
Hun hmangtu : Rev. Dr. F. Pachhunga, Luangmual Bialtu Pastor
Rev. C. Lalengzauva (kum 92), pensioner chu October 1, 2026 (Ningani) Chawhma dar 10:30 khan a boral a, October 2, 2026 (Zirtawpni) chawhnu dar 1:00 khan Luangmual West Kohhran Biak Inah Synod Moderator Rev. John Raldosanga’n a vui a ni.
Pian leh murna :
Rev. C. Lalengzauva hi March 2, 1934-ah Lenchim khuaah a piang a. A pa chu Puia (Laikunga) a ni a, a nu chu Laithangi a ni. March 9, 1955-ah Liankhumi d/o Laikhuma, Lenchim fanu nen Ruallung Biak Inah an innei a, fa 9 (mipa 6 leh hmeichhia 3) neiin, tu chhuan 75 a nei bawk.
Zirna leh kohhrana rawngbawlna lam :
Rev. C. Lalengzauva hian Lenchim-ah Lower Primary 1947-ah a zo va, Saitual Middle School atangin 1951-ah pawl ruk a passed leh a. Hei bak chu chhungkaw harsatna avangin zirna a chhunzawm thei ta rih lo va, lo lam hna a thawk zui ta a ni.
1960-ah Lenchim Kohhran Upa atan thlan a ni a, Hmarchhak Presbytery Inkhawmpui, Ngopa-ah nemngheh a ni. A tleirawl chhuah atanga Pathian thu zir a lo châk tawh chu châk thar lehin 1960-ah Aizawl Theological School-a zir a dil ve ta a, lak zingah a tel lova. Amaherawhchu, Pathian thu zir a duh em avangin tling ngei turin zirna sang zawk turin a nupui leh a fate kalsanin St. John High School, Kolasib-ah a lut tha leh ta a. Hetih mek lai hian Lenchim Primary School-a zirtirtu hna a hmu a. Mahse Pathian thu zir tura inbuatsaih a duh zawk avangin a kalsan ta a ni.
Kum khat lehkha a zir hman tihin Pathian thu zir tur chuan lak a ni ve ta a, 1963-ah Aizawl Theological School-ah lutin 1965-ah Diploma course chu first division-ah a passed ve leh ta a. Hemi kum vek hian Pro. Pastor atan lak a ni a, Chhimphei Presbytery huam chhunga Sialsuk Biala thawk turin ruat a ni a. January 1966-ah a thawk tan a, Pastor Thangpuiliana kaihhruaina hnuaiah a thawk a ni. Kum hnih leh a chanve a thawh hnuin Special Synod, June 1968, Dawrpui-a neihah nemngheh a ni. Pastor atan nemngheh a nih hian a awmna Sialsuk Bial atanga bial thar, Thenzawl Pastor Bial vawng tura ruat a ni. Thenzawl Bialah hian kum 14 a awm hnuin Pastor-te kum 10 dan zela sawn kual ni tawh se tih a ni ta a. Ani pawh 1980 January atangin Bukpui Bial vawng turin Bukpui ah a insawn ta a ni.
1981-1885 chhung B.Th. zirin Aizawl Theological College-ah a lut leh a. A zir zawh May 1985-ah Reiek Bial vawng tura tih a ni a, Reiek-ah a insawn leh a. January 1992 atangin Luangmual Bial a vawng a, he Bial atang hian January 1996-ah pension-in a chawl ta a ni.
Rev. C. Lalengzauva hi kum 30 chhung Synod hnuaiah Pastor hna thawkin rawng a bawl a. A thawh chhung hian nupa tuak 282 a inneihtir a, mi 2862 baptisma a chantir bawk. Bial Inkhawmpui Chairman-ah vawi 8, Presbytery Moderator-ah vawi 8 a tang bawk a. Tin, Synod hnuaia Committee hrang hrang - Nomination, Sub-Pastoral, Executive, Pastoral, Ramthar, Finance leh Mizo Sunday School Union-ah te a tel tawh bawk. A chawlh hnu, November 1996 atangin Bethesda Counselling Centre-ah counsellor hna a thawk bawk.
Kohhran tana thahnemngai leh theihtawp chhuah thin, a tul chuan hlauhawm pawh tawn mai thin a ni. Rambuai laia Samlukhai Biak In sipai hovin an luah pawh a ho hian an hnawt chhuak thei a ni.
Khua leh khua inrem lohna avanga inepna te pawh Pathian hmachhuanin, remna a awm theih nan a hmachhawn a, remna an siam thei a. Kohhran thlarau nun a ngai pawimawh a, a Bial vawn tawhah te Kohhran mite humhim kawngah tan a la nasa hle thin.
A nat dan leh hun hnuhnung :
Kum 2022 kum tir lam atang khan Biak In pawh a thleng peih ta meuh lova, a taksa pawh a chak tawk ta lova. Hetiang a ni chung pawh hian a theih ang tawkin zing tawngtai inkhawm erawh chu a kal hram thin. Ama taksa a chak tawh loh avang hian thawk lamah te harsatna a nei a. A kum a lo tam tak hnu hian a hriatna lam te a lo chaklo ve tial tial bawk a. Biak Ina a inkhawm theih hnuhnung ber chu April 3, 2026 (Good Friday) a ni.
A taksa chak tawk tawh loh avangin Synod Hospital ah June 6, 2026 khan admit a ni a. Doctor ten uluk takin an en a, a chuap leh a thin te a lo chhe tawh viau mai a, amaherawhchu Kohhran hote tawngtaina avangin heng a natna zawng zawngte hi Doctor-te mak tih khawpin a lo dam leh ta tlat mai a. Tichuan dam tha takin June 26, 2026-ah in lama enkawl turin an chhuak thei ta hial a ni. Hemi hnu hian in lamah duat taka enkawl niin, a tha chho viau a. Mahse, zunkawng lam chiang lo avangin khawsik te neiin enkawl zui a ni leh a. July 31, 2026 zan lam atangin thawk lamah harsatna a neih avangin oxygen te pek a ngai a. October 1, 2026 (Ningani) Chawhma dar 10:30 khan a rawngbawl sak thin Lalpa hnenah thlamuang takin a chawl ta a ni.
VUINA PROGRAMME
A hmun : Luangmual West Kohhran Biak In
A hun : October 2, 2026 (Zirtawpni) Chawhnu dar 1:00
Vuitu : Rev. John Raldosanga, Synod Moderator
Chanchin sawi : Rev. B. Zohmangaiha, Synod Secretary
Thlamuanna Thuchah : Rev. John Raldosanga, Synod Moderator
Zaipawl : Luangmual West Kohhran Zaipawl
Tawngtaisaktu : Upa C. Lalduhawma, Synod Secretary (Jr.)
Hla sak ho : ‘Thihna lui piahah khawpui mawi tak chu a awm’ - KHB No. 521
Malsawmna : Rev. Vanlalzuata, Finance Officer
Thlanmual
Hun hmangtu : Rev. Dr. F. Pachhunga, Luangmual Bialtu Pastor