Mizoram Synod hnuaia Inkhawmpui lian ber dawttu Presbytery Inkhawmpui chu October 8-11, 2026 chhung hian Mizoram chhung leh pawn hmun hrang hrangah neih mek a ni.
Vawiin (Oct. 8, 2026) hian Nomination Committee, Finance Committee leh Sub - Pastoral Committee an thu a, Kohhran Upa thlan tharte Exam buatsaih a ni bawk a, zan inkhawmah Palai lawmna leh Pastor Bial Report ngaihthlak a ni ang.
October 9&10, 2026 (Zirtawpni leh Inrinni) hian Rorel Inkhawm neih a ni ang. Presbytery thenkhat chu Inrinni chauha Rorel an awm bawk. Zan lamah vantlang Pathian biak Inkhawm neih a ni ang. October 11, 2026 (Pathianni) chawhmaah Upa Nemngheh Inkhawm hman a ni ang a, chawhnuah Lalpa Zanriah Sakramen leh Upa thi te sunna inkhawm a awm ang a, zanah Presbytery Moderator kalchhuakten Valedictory Sermon an sawi ang.
Presbytery Inkhawmpui hmanpui hian Synod Puipate hetiang hian an chhuak -
1. Rev. John Raldosanga, Moderator – Tuichangral South Presbytery
2. Rev. B. Zohmangaiha, Secretary (Sr) - Tlawng Presbytery
3. Upa C. Lalduhawma, Secretary (Jr) – Tuichangral North Presbytery
4. Rev. Dr. K. Lallawmzuala, Finance Officer – Chhimtuipui Presbytery
5. Rev. Vanlalzuata, Finance Officer - Tuirini Presbytery
6. Rev. Lalsangmuana, Statistician - Tuichang Presbytery
7. Rev. Dr. V. L. Luaia Hranleh, Senior Exe. Secretary - Hmarchhak Presbytery
8. Rev. Dr. Rosiamliana Tochhawng, Executive Secretary - Chhimtawp Presbytery