Vawiin (Oct.15, 2026) khan Presbyterian Pastor Nupui Intawhkhawm vawi 47-na chu Synod Conference Centre-ah hman a ni.
Chawhma hun hi Pi H. Lalnunmawii’n a kaihruai a, Synod puipate hnen atangin chibai bukna ngaihthlak a ni a, Mission Vengthlanga Pastor nupuite Group zai ngaihthlak a ni. Rev. Dr. R. Vanlaltluanga, ATC-in Rawngbawlna hlen chungchang a sawi a, chawhma hunah hian an member chatuan ram pan mi pahnih Pi V. Sangkimi w/o Rev. R. Lalthanmawia leh Pi Zopari w/o Rev. Lal Rinmawia (L) te sunna hun an hmang bawk.
Chawhnu hun hi Pi R. Lalparmawii’n a kaihruai a, Pi Lalremruati Tlau-in Sum leh pai enkawl kawngah tih leh Social Media hman danah tih thupui a sawi a, sawi hona neih a ni. Chawhnu hunah hian Pi H. Lalrinzuali leh Pi Debbie Lalnunhlui te an zai bawk.
Presbyterian Kohhran Pastor Nupuite hian kumtin intawh khawmna hun an hmang thin a, mi thiamte ruaiin thuchah ngaihthlak bakah thupui thlan bik paper te an zirho thin a, an pasalte rawngbawlna an tawiawm theih dan tur leh Kohhran tana Nu nih tling an nih theihna tura theih tawpa hma la tura infuihna hun atan an hmang thin a ni.