October 16-18, 2026 chhung hian Ram pum huap Kohhran Pavalai Pawl Intawhkhawm vawi 7-na chu Leisekawt Field, Serchhipah neih a ni ang. Intawhkhawm thupui chu 'Krista Sipai Huaisen' tih a ni a, thupui sawi tura ruat ten an insawi chhawk dawn a ni.
October 16, 2026 (Zirtawpni) zanah Rev. B. Zohmangaiha, Synod Secretary-in thu a sawi ang a, October 17, 2026 (Inrinni) chawhmaah Rev. JC Lalramliana, Revival Director-in thu a sawi ang a,chawhnuah zaikhawmpui neih a ni ang a, zanah Rev. F. Lalrinnunga, committee member-in thu a sawi ang. October 18, 2026 (Pathianni) chawhmaah Rev. Dr. V.L. Luaia Hranleh, Senior Executive Secretary, chawhnuah Rev. R. Lalrosiama, Committee Member leh zanah Rev. John Raldosanga, Synod Moderator ten thu sawi ang. Intawh khawm chhung hian inkhawm apiangin Mizoram Synod Choir bakah Bial leh Kohhran hrang hrang Pavalai Zaipawl te an zai dawn bawk a ni.
Ram pum huap Kohhran Pavalai Pawl Intawh khawm vawi 7-na Pandal-a neih hi a tum hnihna a ni a, Kohhran Pavalai Pawl hi Synod Revival Department-in a enkawl a ni.
Kohhran Pavalai Pawl Thupui chu 'Krista tana nun' tih a ni a, an pawl thiltum te chu:
(1) Midangte Krista hnena hruai
(2) Kohhran hmalakna tawiawm
(3) Kristian chhungkaw tha din tura tan lak
Inchhiarna hnuhnung bera Pavalai Pawl dinhmun chu hetiang hi a ni:
KPP din tawh na Kohhran zat - 698
Bial KPP din tawh zat - 167
Ram pawna Tualchhung KPP din tawh zat - 5
KPP member zawng zawng - 52576