Vawiin (Oct. 21, 2026) khan Mizo Sunday School Union (MSSU) Committee vawi 172-na chu J.M. Lloyd Hall, Synod Office-ah an thu.
Meeting hi Rev. John Raldosanga, Moderator-in a kaihruai a, Rev. Dr. K. Lallawmzuala, Executive Secretary i/c MSSU-in report a pe. Report-ah hian Editing Cell hmalakna te, October 2025-September 2026 chhunga Bial 31 leh Kohhran 47-a Training neih a nih thu te, Child Evangelism Cell hmalakna te, NPSS zirlai AI hmanga video-a siam thu te, Pi Zaii Medal siam belh chungchang te leh Seminar programme hrang hranga tel thu te tarlan a ni.
Thut khawmah hian Kum 2030-a Puitling Sunday School zir tur thlan leh a ziaktu ruat chungchang te, Kum 2028 Khawvel Sunday School Ni-a zir tur thlan leh a ziaktu ruat chungchang te, MSSU Inkaihruaina enthat chungchang te, Zirtirtu Diamond Award siam chungchang te, Naupang leh tleirawl inkhawm kaihhruaina enthat rawtna te leh 2027-2028 MSSU Budget te chu a langsar zual te an ni.
For more Pics Click Here