October 20, 2026 (Thawhlehni) khan Synod Campus Ministry kaihhruainain India Senior Hockey Player leh Asian Games Gold Medalist ni bawk Nl Lalremsiami Hmar chuan Aizawla Zirna In hrang hrang a tlawh.
Nl. Lalremsiami hi Synod Higher Secondary School, St. James School Chawlhhmun, St. Anthony's Higher Secondary School Lily Veng, Alpha Academy Durtlang Leitan, MFM Nursing School Durtlang leh College of Nursing Synod Hospital, Durtlangah te hun hman pui a ni.
Lalremsiami hian Zirlaite zingah Fuihna thu tha tak tak sawiin, Pathian avanga tun dinhmun thleng thei a nih dan te, hlawhtlinna nei tura Pathian dah pawimawh a tul zia te a sawi a, Zirlaite chu tum mumal tak nei tur te, Mizoram chhung chauh nilo, India ram huapa hmantlak ni tura tan la turin a fuih a, dinhmun thaa ding tura tumruh leh taimakna a pawimawh zia te, Mahni inthunun theih a pawimawh zia te a sawi bawk.
Nl. Lalremsiami Hmar hi Rev. Johny Lalremfela, Director Synod Campus Ministry leh Tv. Lalrinchhana, Counsellor ten an tawiawm a ni.
For more Pics Click Here