Ni hnih awh tur Synod Mission Board meeting vawi 190-na chu J.M. Lloyd Hall, Synod Office-ah vawiin October 22, 2026 hian an thu tan. Meeting-ah hian Aizawl khawpui chhung atangin member 25 leh Aizawl khawpui pawn atangin member 62, an vaiin member 87 an kal thei a ni.
Meeting hi Synod Moderator Rev. John Raldosanga’n a kaihruai a, Rev. R. Lalhmingsanga, Board Secretary-in report a pe. Report-ah hian Synod Home Mission School New Eden-in Provisional Permission an hmuh thu te, Presbyterian Hindi Bible School Graduation Day neih a nih thu te, Mission Development Training Centre (MDTC), Bualpuia Graduation Day neih a nih thu te, Calcutta Mission Field-in harsatna an tawh thu te, Mission Medical Worker Refresher Course Training neih a nih thu te, State Institute of Rural Development & Panchayati Raj (SIRD&PR) leh Mission Development Training Centre (MDTC)-in MoU an sign thu te, Masihi Sangati Convention vawi 34-na neih a nih thu te leh Football ‘D’ Level Coaching training neih a nih thu te tarlan a ni.
Tun tumah hian Field Master Plan ennawn/siamthat dilna chungchang te, North East India Congress on Church in Mission (NEICOCIM) 2027 thleng tura ngenna chungchang te, Andermanik-a Mission School din chungchang te, Kohhran hming thlak dilna te, Bial thar hawn dilna te, Church Court hawn dilna te, Tent Making Ministry Awareness Campaign neih rawtna te leh 2027-2028 budget ruahmanna te chu a langsar zual te an ni.