He hun hi Rev. Dr. Rosiamliana Tochhawng, Executive Secretary i/c Mission-in a kaihruai a, Pu Albert Lalhmangaiha, Coordinator-in inhmelhriattirna neiin report a pe a. Pu K. Lalrindika, AIFF Coach Educator-in training chungchang report a pe bawk.
Pu Lalrengpuia, Honorary Secretary, MFA-in coaching course zir chhuak Missionary 25 hnenah certificate hlanin, thu tawi a sawi a. Rev. R. Lalhmingsanga, Mission Board Secretary-in thuchah sawiin, trainees-te hnen atangin thusawi ngaihthlak a ni bawk. He mi hunah hian Nl. Rohlupuii Pautu tum hnih a zai a ni.
Synod Mission Board-in Professional Ministry rawngbawlna a kalpui mekah Mizoram Football Association (MFA) nen thawh hona thuthlung an lo ziah tawh angin, batch hmasa ber atan AIFF ‘D’ License Coaching Certificate Course chu October 3-10, 2026 chhung khan YRC, Falkland-ah neih a ni a. Chite Public Playground leh AR Lammual bakah, MPL club hrang hrangah practical training an nei bawk a ni.
