PES
October 21 - 22 , 2026 khan Upa P.C. Vanlalhruaia, Supervisor of Schools (PES), Rev. Malsawmdawngliana, PES Committee member leh Pu Rosiamliana Ralte, Ex- Vice-Principal, DIET te chuan Hualtu PES Teachers’ Training leh Hualtu kohhranah PES Awareness Campaign an nei. Teachers’ Training-ah hian Pu Rosiamliana Ralte chu resource person a ni. Hemi pah hian Baktawng PES, Tlungvel PES, Thingsulthliah PES, Thingsul Tlangnuam PES leh Seling PES-te tlawh nghalin an hmalak dan leh an dinhmunte thlirin thawktute leh Kohhran Upa te nen inkawm hona an nei a ni.
October 24, 2026 (Inrinni) khan Bukpui PES Building thar chu Rev. Dr. Rosiamliana Tochhawng, Executive Secretary-in a hawng a. Bukpui PES Building thar hi Synod atanga tanpuina awm thei bakah Bukpui Kohhranin cheng tam tak leh hnatlang tha tam tak senga din a ni. Building hawnnaah hian Upa P.C. Vanlalhruaia, Supervisor of Schools chuan a tawiawm a ni.
October 28, 2026 (Nilaini) khan W. Phaileng Area PES Annual Sports hmanpuiin Upa Lalthanzama, Committee Member a kal.
Worship
October 22-23, 2026 chhung khan Tuahzawl Kohhranah Music Training neihpuiin T.Upa H. Lalrinmawia, Senior Music Instructor a kal.
Trust
October 22, 2026 (Ningani) khan N. Hlimen Pastor Quarters Retaining Wall en felin Pu Lalramenga Royte, JE a kal.
Mizoram Christian College (MCC)
Mizoram Youth Commission buatsaih, State Level Storytelling Competition, October 25-26, 2026 chhunga neihah Mizoram Christian College, Mizo Department zirlai pathum chu MCC aiawhin an tel a, an zing atang hian Lalramngaihsanga (5th Semester) chuan lawmman pathumna a dawng.
He intihsiakna hi College leh University zirlaite tana buatsaih a ni a. Mizoram Christian College hi college zirlai hrang hrang tel ve te zinga top 3 a lang awm chhun a ni.
Mission Board
Synod Mission Board hnuaia Mission Development Training Centre (MDTC) leh State Institute of Rural Development & Panchayati Raj (SIRD & PR)-in MoU an ziah angin October 26 - 30, 2026 chhung khan MDTC-a Trainees-te tan Training on Soft Skill chu SIRD & PR Department, Durtlangah neih a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Phullen Vengthar Bial chhunga damlo leh khawsak harsa chhungkaw pali hnenah Rs.40,000/-, Falkland venga in kang chhungkaw pakhat hnenah Rs.12,000/-, Vanzau khuaa damlo mi pakhat hnenah Rs.10,000/- leh Sakawrdai Chhimvenga damlo mi pakhat hnenah Rs.10,000/- pek a ni.