Vawiin (Nov. 2, 2026) chawhma dar 10:00 khan Synod Trust Committee vawi 55-na chu Synod Committee Room I, Synod Office-ah an thu. Thut khawm hi Rev. John Raldosanga, Synod Moderator-in a kaihruai a, Rev. Dr. V.L. Luaia Hranleh, Secretary-in report a pe.
Report-ah hian Mizoram Christian College (MCC) sak mek a nih thu leh hna thawh tur pumpui atangin 65% vel zawh a nih tawh thu te, Synod Hospital Centenary Building sak mek chu 95% vel zawh tawh a nih thu te, Synod Office Annexe Building Extension hna thawh mek a nih thu te, Lunglei Synod House sak mek a nih thu te, Zosapthara Building zawm belh hna thawh mek a nih thu te, Synod Higher Secondary School Boys’ Hostel sak mek a nih te, Gospel Centenary Khuangpui dahna In sak mek a nih thu te leh Mizoram House Vellore enkawl dan chungchanga Mizoram Sawrkar leh Mizoram Presbyterian Kohhran inremna thuthlung ziah thar a nih thu te tarlan a ni.
Tun tum thut khawmah hian Synod Drivers Quarters sak that chungchang te, Synod Higher Secondary School Staff Quarters thar pahnih sak chungchang te, Missionary Training College (MTC) Principal Quarters sak that dilna chungchang te, Sikulpui Headmaster Quarters sak that chungchang te leh 2027-2028 budget te chu a langsar zual te an ni.
For more Pics Click Here