Vawiin (Nov. 4, 2026) chawhma dar 10:00 khan Synod Worship Committee vawi 16-na chu J.M. Lloyd Hall, Synod Office-ah an thu.
Thut khawm hi Rev. John Raldosanga, Synod Moderator-in a kaihruai a, Rev. Dr. Rosiamliana Tochhawng, Secretary-in report a pe.
Report-ah hian Chanmari YMA Hall-ah Synod Music School Recital vawi 10-na neih a nih thu te, August 17-20, 2026 chhunga YRC, Falkland-ah Residential Choir Conductors’ Training neih a nih thu te, Naupang Hla Bu ennawn a nih thu te, Pathian Biak Inkhawm Hruaina Bu en that chu zawh fel a nih tawh thu te, October 15, 2026-ah YRC, Falkland-a Synod Music School Festival neih a nih thu te leh Bial leh Kohhranah Seminar leh Training neih a nih thu te tarlan a ni.
Tun tumah hian kum 2030 Nilai leh Beihrual thupui thlan leh a ziaktu chungchang te, Kristian Hla Bu (Staff Notation) buatsaih chungchang te, Annual report te, Presbytery atanga thu lut hrang hrang te leh 2027-2028 budget te chu a langsar zualte an ni.
For more Pics Click Here