Synfo leh Central KTP buatsaih Praise On 2026 - Mal zai intihsiakna chu November 19 & 20, 2026 zan khan Youth Recreation Centre (YRC), Falkland-ah Grand Finale tluang taka neih a ni a, zan hnihnaah hian intihsiak neih zawhah result puan leh lawmman sem zui nghal a ni.
Praise on 2026 atana thlan chu Joice Malsawmdawngi, Ramhlun North Branch a ni a, pahnihna chu Vanlalronghaka, Tuikual North Branch niin, pathumna chu Moses Lalremruata, Falkland Peniel Branch te an ni.

Praise On 2026 mal zai intihsiakna pakhatna hian lawmman Rs.1,20,000/-; pahnihnain Rs.70,000/-, pathumnain Rs.50,000/- an dawng a, Citation an dawng vek bawk. Top 10 chinin Rs.10,000/- an dawng bawk.

Tun tum Praise On 2026-ah hian intihsiakna endiktute chu T.Upa Chris MS Dawngkima, Ramhlun North (Chief Judge), Pu Benjamin Pazawna, Chanmari leh Nl. R. Lalrinmawii (Arini), Leitan te an ni a, programme host Nl. Eunik Lalnunfeli, Leitan Branch a ni.

Praise On 2026 Mal zai intihsiakna hi Hruaina Eng TV leh Mizoram Synod YouTube channel-ah Live-a pekchhuah thin a ni.