Vawiin (Feb. 17, 2016) chawhma dar 10:00 khan Synod Office-a J.M. Lloyd Hall-ah Synod Finance Committee vawi 117-na a thu a, member 49 an kal.
Committee hi Rev. H. Lalrinmawia, Synod Moderator-in a kaihruai a ni. Thu ngaihtuah zingah hian Chartered Accountant rawih tur chungchang te, Budget hman khum dilna leh STDR Certificate hman hawh dilna te chu a langsar zual an ni a. Secretary Reports leh Finance Officers Reports thlir ho a ni bawk. Secretary Reports-in a tarlan danin Kum 2015-16 atana Additional Budget dilnate chu SEC-in a pawm a, kum 2016-17 Synod Budget ruahman chu Synod Inkhawmpui-in a pawm fel bawk a, O.M-in Auditor ruat laia la rel hman loh Odhisa leh Arunachal North Mission Field thar pahnih chu Siliguri B Field, Arunachal East leh Arunachal West Field Audit tur ten an Audit tel turin a rel bawk. Finance Officers Report-in a tarlan danin April 2015 atanga January 2016 thla tawp thlengin Pastoral Budget hmuh tawh chu za zela 74.01 a ni a, Mission Budget hmuh tawh chu za zela 70.86 niin za zela chhutin a vaia hmuh tawh chu 72.58 a ni.