Mizorama Thalai Inkhawmpui lian ber Kristian Thalai Pawl (KTP) General Conference vawi 56-na, New Champhai Field-a nghah chu nizan (March 3, 2016) atang khan tan a ni ta.
Conference hian March 6 , 2016 (Pathianni) zan thleng a awh ang. KTP General Conference vawi 56-naah hian thupuiah ‘Pathian Kohhran’ (Mat. 16:18,19) tih hman a ni a, speaker atan Rev. Vanlalbela, Bawngkawn an hmang ang. February 23, 2016 zan khan Conference puala Souvenir an buatsaih ‘Sawmfang’ tih chu an lo tlangzarh tawh a, February 26, 2016 zanah pandal hlanna inkhawm neiin mi sangkhat chuang an tel a ni.
Nizan (March 3, 2016) khan Palai lawm & Report inkhawm neih a ni a. Inkhawm hi Central KTP Leader Rev. J. Lalremsiaman a kaihruai a, General Secretary Report, Finance Report leh Bial Report khaikhawmna te ngaihthlak a ni. Rev. B. Sangthanga, Executive Secretary i/c KTP chuan KTP Kum Puan 2016 -2017 hlanin a hawng a, kum puan atan hian ‘Pathian nêna lendun’ tih thlan a lo ni tawh a, KTP General Conference zawh atanga Branch tina bawhzui mai theih turin Kum Puan Kaihhruaina Booklet siam a ni bawk. Upa H. Ronghaka, Synod Secretary-in Synod Choir Music Video thar ‘Lal A Ni’ tih chu tlangzarhna leh hlanna a nei bawk.
Vawiin (March 4, 2016) chawhma dar 10:00 atang khan Synod Moderator Rev. H. Lalrinmawia kaihhruaiin 2016-2018 CKTP Hruaitu tur thlanna neih a ni a, dar 11:00 atangin Champhai Vengthlang Kohhran Biak In-ah Rorel Inkhawm neih a ni. Tun tumah hian General Agenda 9 chhawpchhuah a ni a, Agenda floor-a sawiho lova inhrilhfiah tur engemaw zat a awm bawk. Kum 2016-2017 Central KTP Budget ruahmanna leh Bial Budget ruahmanna te pharh a ni bawk ang. Rorel inkhawm hlan hian Pandal-ah Ramthar hawi programme hman a ni a, Rev. P.C. Lalropuia, Kolkata hnen atangin Pathian thuchah ngaihthlak a ni. Chawhnu dar 1:30 atangin Zaikhawmpui neih tur a ni a, Rev. Lalparchhuana, Organising Chairman hnen atangin Pathian thuchah ngaihthlak a ni ang. Zanah Pathian biak inkhawmah Synod Moderator Rev. H. Lalrinmawian Pathian thuchah a sawi ang a, inkhawm banah Fellowship a awm zui ang a, Hun hman thiam (Time Management) tih thupui hmangin Dr. Lalliansanga, Asst. Secretary hnen atangin thuchah tawi ngaihthlak a ni ang.
March 5, 2016 (Inrinni) chawhma dar 10:00 atangin Thupui Zir Inkhawm a awm ang a, Rilru Hrisel tih thupui hmangin T.Upa Dr. C. Lalhrekima, Mission Vengin thuchah a sawi ang. Chawhnu dar 1:30 atangin Variety Programme an hmang ang a, items chi hrang hrang bakah Upa K. Rorelkima, Committee Member hnen atangin thuchah tawi ‘KTP, Kohhran kut ke’ tih thupui ngaihthlak a ni ang. Zan Pathian biak inkhawmah Speaker, Rev. Vanlalbela hnen atangin Pathian thuchah ngaihthlak a ni ang. Inkhawm banah Fakna Inkhawm neih zui nghal a ni ang.
March 6, 2016 (Pathianni) chawhma leh chawhnu inkhawmah Speaker, Rev. Vanlalbela hnen atangin Pathian thuchah ngaihthlak leh a ni ang a, zan inkhawmah Synod Moderator Rev. H. Lalrinmawian Hruaitu thar hlanna hun a hmang ang a, Rev. J. Lalremsiama, Central KTP Leader kalchhuakin Pathian thuchah a sawi ang. Zan inkhawm banah hian Fellowship neih leh a ni ang. Pathian biak inkhawm apiang hian Zaipawl hrang hrang ten hla an rem thin ang. KTP General Conference hi Active Sound-in sound lam an buaipui a, Synod Information & Publicity (Synfo) lamin Video coverage buaipuiin LPS 5-ah LIVE a pekchhuah a ni.
Bial KTP Report Khaikhawmna Bial dinhmun tlangpui:
1. Bial awm zat 197 (Report lut zat 187) * Bial thar te an awmna bial hlui report-ah an tel)
2. Member tamna Bial 3 1) Bethlehem Bial 2838 2) Ramhlun North Bial 2283 3) Mission Veng Bial 2241
3. Member tlemna Bial 3 1) Buarpui Bial 46 2) Damdep Bial 101 3) Vathuampui Bial 105
4. Branch awm zat 831
5. Member awm zat 143657 (Mipa - 90239; Hmeichhia - 53453
6. Member tamna Branch 3
1) Mission Veng Branch 1475
2) Ramhlun North Branch 1386
3) Chanmari Branch 1214
7. Member thi zat 467 (Mipa - 421; Hmeichhia - 46) * Member thi awm miah lohna bial 46 an awm
8. Nupui/pasal nei zawng zawng 3891 1) Biak In-a innei zat 1739 2) Hmun danga innei zat 2152
9. Hmundanga innei awm lohna Bial Bangalore, Damparengpui, Tlabung Zodin, Tuipuibari, Tuithumhnar, Suarhliap
10. Hmun danga innei aia Biak Ina innei tam zawkna Bial 63 an awm
11. Bial hminga missionary chawm zat 339
12. Branch-in missionary a chawm zat 2187
13. Ram puma Thawhtan zan inkhawm zat percentage 24.13%
14. Member inkhawm thatna Bial 3-te :
1) Phainuam Bial 44.92
2) Suarhliap Bial 42.94
3) Damdep Bial 42.00
Thurel tlangpuite : Rorel Inkhawmah hian palai 1037 an kal a, thurel tlangpui hetiang a ni :
1. Kum 2020 KTP General Conference chu Serchhip ten an thleng ang a, a hun atan February 27 - March 1, 2020 a ni ang.
2. Youth Recreation Centre chungchanga rawtna hrang hrang lut chu Budget kalpui mek, member pakhat zela chhuta kan pek thin hi chhunzawm tur a ni. Aizawl Khawpui chhung tan Rs. 50/-, District Capital tan Rs. 30/- leh A dang zawng tan Rs. 20/-
3. Youth Recreation Centre pualin KTP Inkhawm vawi khat thawhlawm lakkhawm ni se, tih a ni.
4. Thupui zir tur rawtna hrang hrang lut atangin Presbyterian Kalphung inzirtirna neih nise, tih a ni.
5. Kum 2016 chhungin KTP inkhawm tum khat thawhlawm Synod Hospital Charity Fund pualin lakkhawm ni se, tih a ni.
6. Central KTP buatsaihin Bial leh Branch Chanchinbu enkawltute tan Workshop neih rawtna chu pawm a ni.
7. Ruihhlo ngaite leh hum sual daite pualin ram pum huapin tawngtairual neih nise, tih a ni.
8. Kum 2017 - 2018 kum puan thupui rawtna hrang hrang lut atangin Thlen chin atanga hmasawn (Phillippi 3:16) tih chu thlan a ni.
9. Kum 2016 - 2017 Central KTP Budget atan Rs. 40,46,000/- pawm a ni a, Bial Budget ruahmanna pawh pawm a ni.
CKTP hruaitu tharte (2016 - 2018) :
1. Lalhnehzova, Bawngkawn Bial
2. T Upa Ricky, Lalrammawia, Bawngkawn Bethel Bial
3. Lalchhuanliana, Bungkawn Bial
4. Joseph Lalsangzuala, Chaltlang Bial
5. Vanlalpeka, Chanmari Bial
6. T Upa Lalrinawma, Chanmari West Bial
7. F Lalremruata, Dawrpui Bial
8. PC Lalropuia, Durtlang
9. Upa Rosangliana, Electric Bial
10. Ngurhmingliana, Khatla Bial
11. Lalmuanawma, Kulikawn Bialb
12. Zonunsanga Ralte, Mission Veng Bial
13. PC Biakmuanpuia, Mission Vengthlang Bial
14. T Upa Zomuana Ralte, Ramhlun Bial
15. Lalfankimi, Ramhlun Vengthar Bial
16. Robert Lalduhzuala, Ramthar Veng Bial
17. T Upa S. Ramnunsanga, Tuikual Bial
18. K Lalruatpuia, Venghlui Bial
19. Dr. David C. Vanlalfakawma, Zemabawk Bial
20. Dr. Lalrotluanga, Zonuam Bial
Hetiang hian O.B. post siam rem a ni :
Leader - Rev.Zothansanga (Synod Ruat),
Asst. Leader - Pu Ngurhmingliana Khatla Bial,
Secretary Upa Zonunmawia (Synod ruat),
Asst. Secretary - Pu PC Biakmuanpuia (Mission Vengthalng Bial),
Treasurer - Pu Zonunsanga Ralte Mission Veng Bial,
Finance Secretary - Pu Vanlalpeka Chanmari Bial
56th KTP General Conference 2016 Programme, Reports & Agenda
Thupui Zir - Rilru Hrisel By T.Upa Dr. C. Lalhrekima