Mission Veng Pastor Quarters sak thar chu July 22, 2017 khan Senior Executive Secretary Rev. Lalramliana Pachuau chuan Pathian hnenah a hlan. Hlanna inkhawm hi Bial Chairman Upa Rinzawna’n a kaihruai a, Bial Secretary Senior Upa Prof. Laltluangliana Khiangte chuan thupuan leh lawmthu sawina hun a hmang a, Pastor Qtrs. saknaa Work Supervisor Upa Lalliansawta’n Qtrs. sak chungchang report a pe bawk. Rev. Lalramliana Pachuau-in thuchah sawiin Quarters thar hi Pathian hnenah a hlan a. Bialtu Pastor Rev. Lalrinnunga hnen atangin thusawi ngaihthlak a ni a, Rev. C. Rosiama’n malsawmna-in inkhawm a tin a ni.