Interserve (India) te chuan Synod Mission Board hriatpuiin vawiin Aug. 23, 2017 hian Synod Conference Centre-ah Mission Seminar an nei. Seminar hi thalaite puala buatsaih a ni a, session li-ah thenin, Session khatnaah “What on Earth am I doing?” tih zirho a ni a, Session hnihnaah “What’s getting in my way?” Session thumnaah “Wholistic Mission,” Session li-naah “My Compass” tih te zirho a ni a, zawhna leh chhanna hun hman a ni bawk. He Seminarah hian Interserve (India), Pune lam atangin an hruaitute Cyril Georgeson te, Binu Varghese te leh Pu John Lalremruata te an lokal a, Aizawl Theological College leh Misssionary Training College te, khawpui chhung Bial KTP hrang hrang te leh mi sawm bikte an tel a ni.