Vawiin (Aug. 28, 2017) khan Synod Bookroom Bulding thar, Bawngkawn Biak In hnuaia a mi chu Synod Executive Secretary, Rev. P.C. Pachhunga’n a hawng. Hawnna inkhawm hi Bialtu Pastor G. Chhunthuama’n a kaihruai a, PRESCOM General Manager Upa R. Lalmalsawma’n report a pe a, Bawngkawn Kohhran aiawhin Upa C. Lalbiakthanga’n thusawina a nei bawk a, chumi zawhah Bookromm building thar chu mitin dawr theih turin Rev. P.C. Pachhunga’n a hawng ta a, Lehkhabu lei hmasa bertu chu Upa Rotluanga, Bawngkawn Kohhran a ni. Synod Bookroom rawngbawlna lo thang zelah Synod Bookroom Bawngkawn Branch chu a hmunin a zawh tawh loh avangin PRESCOM lam leh Bawngkawn Kohhran Committee te remtihna-in Bawngkawn Kohhran Biak In hnuai pumpui hi Synod Bookroom luah turin ruahman a ni a. April 2017 atangin Bookroom sak hna chu tan a ni a, ni 140 hnuah luah theih a peih fel a ni ta a. He Bookroom thar hi a dung 45ft a sei niin a vang hi 19 ft a ni a, Rs. 14,00,000/- (cheng nuai sawmpali) seng a sak a ni. He Bookroom building thar sakna atan hian Bawngkawn Kohhran pawhin tha leh sum engemawzat an seng bawk. A hmaa Bookroom atana hman thin chu Stockroom atan hman chhunzawm a ni.