Nimin (Sept. 6, 2017) khan Synod Press khawl thar Digital Printing Set te chu Pathian hnenah hlan a ni a. Hlanna inkhawm hi PRESCOM General Manager Upa R. Lalmalsawma'n a kaihruai a, Synod Press Manager Pu Lalhruaitluanga Ralte-in report pe-in khawl thar chanchin a sawifiah a. Synod Executive Secretary Rev. P.C. Pachhunga'n khawl thar te chu Pathian hnenah a hlan a ni. Synod Press-in khawl thar an neih te chu heng te hi an ni : 1. Color Printer - Konica Minolta siam Bizhub C258 model a ni a, A3 size color printer a ni. Hei hi Offset khawla chhut tham si loh lehkhabu kawm leh certificate leh thildang te, color a chhutna a ni. 2. Digital Duplicator : Duplo Corporation siam, Duprinter DPA 120 a ni a, thil chi hrang hrang a chhut theih bakah a that bikna chu thil chhah deuh pawh a chhu zar zar thei a, Pathian Ram Thawhlawm Ip chhut nan a tha hle dawn a ni. 3. Auto Creaser : Autoprint Company siam Maxx Model a ni a, he khawl hi lehkhabu kawm keu nawm nana creasing siam nan te, lehkha pawh bun awlsam nana chhun chikna atan te leh sticker paper half-cut nante hman theih a ni. 4. Comb binder : Excelam company siam, A4 size lehkhabu engemaw bik, project report te, photo album te, calendar te leh thildang phuahkhawma thuina khawl a ni. 5. Laminator : Hei hi Lehkha pawimawh leh certificate te him taka dahthat a nih theih nana sarang fim hmanga tuam thatna khawl a ni.