Oct. 19 - 20, 2017 hian Synod Office-a J.M. Lloyd Hall-ah Synod Ramthar Board Committee vawi 160-na a thu. Committee hi Rev. Lalzuithanga, Synod Moderator-in a kaihruai a, thu pawimawh tak tak 30 zet an rel. An thu ngaihtuah langsar zual te chu Right for Children to Free and Compulsory Education Dân thar kalpui dan tur te, Adaponka Bial (Odisha Field) thuthmun siamrem chungchang te, kum 2019 Home Mission North Nilai Zan zirlai thupui leh a ziaktu tur ruat te, Damdiai-ah Mission School din rawtna te, Missionary Training College (MTC) ah Music leh Medical Short Service Course telh ve rawtna te, Field Secretary term hmang zo turte aiawh tur ruat te, Mumbai Presbyterian Kohhranin Missionary an dilna chungchang te, Quarters sakthat leh a thar sak dilna te, MDTC, Bualpuia puantui zirna project hawn chungchang te, Budget 2017 - 2018 ruahmanna te an ni.