Oct. 20 - 20,2017 chhung hian Masihi Sangati Convention vawi 30-na Khatla Kohhran Biak Inah neih a ni dawn. Speaker Pastor Lalfakawma Chhangte a ni ang a, Thupui chu Kristian Nun tih a ni ang. Tin, Thupui bakah hian Inpumkhatna tih hmangin Pro. Pastor Zosangzualan Bible Study a neihpui thin bawk ang. Oct. 20, 2017 (Zirtawpni) zan hian Inlawmna leh Report inkhawm neih a ni ang a, hemi hunah hian Rev. K Lalrinmawia, Secretary, SMB in inkhawm a kaihruai ang. Atuk inrinni zingkarah Bible Study neih a ni ang a, chawhma dar 10 atangin Pathian Biak inkhawm neih leh ang. Chawhnu dar 1 ah Fellowship leh Cultural programme-a hun hman a ni ang a, item chi hrang hrang en a ngaithlak a ni ang a, zanah speaker hnen atangin thupui ngaihthlak leh a ni ang. Pathianni zingkar Bible Study neih leh a ni ang a, chawhma dar 10 atangin Pathian Biak inkhawm neih a ni ang a, speaker hnen atangin thupui ngaihthlak leh a ni ang a, chawhnu Pathian Biak inkhawmah Lalpa Zanriah Sacrament Aizawl Central Area Bialtu Pastor R. Lalthangvungan a theh ang. Zanah Pathian Biak inkhawm neih leh a ni ang a, inkhawm hi Rev. B. Sangthanga, Executive Secretary in a kaihruai ang a, Rev. K. Lalthanpuia, Masihi Sangati Kendra hnen atangin Pathian thuchah ngaihthlak a ni ang a. Zaipawl 5 zai tura beisei an ni. Masihi Sangati Convention Vawi 30-na Programme Click Here