Vawiin (Oct. 23, 2017) chawhma dar 10 khan Synod Office-a JM Lloyd Hall-ah Synod Theological Education Board Meeting vawi 9/2017-na (Budget Session) a thu a. Meeting hi Rev. Lalzuithaga, Synod Moderator-in a kaihruai. Thu ngaihtuah zingah hian Faculty mamawh belh chungchang te, ATC Faculty-te Pastoral Ministry-a Pastoral Ministry-a inhman chungchang te, ATC Budget estimate 2018-2019 te chu a langsar zual an ni. Secretary Reports atanga a lan danin Faculty hrang hrangte rawngbawlna danga an kal thu te, Theological Education Board (TEB) enkawla M.Th. zirten tha taka First Year an pass thu te, hmun hrang hrangah Seminar leh Workshop neih thin a nih thu te, kum eng emaw zat ATC-in a lo kalpui Bible Ralchhan chu kum 2016 Synod-in a rel angin June 2017 atang khan SMTC lamah sawn niin Lay Theological Education tih pawh nguai bo tawh a nih thu te, Rev. Prof. C. Lalhlira chu Mizo Theological Association (MTA) President atan thlan a nih thu te, Synod hnuaia Pro. Pastor ten October 12 & 13 khan exam an neih thu te, September 2017 thleng sum dinhmun tlangpui te ngaihthlak a ni.