Vawiin (Oct. 24, 2017) chawhma dar 10 khan Synod Office-a JM Lloyd Hall-ah Synod Hospital Board Meeting vawi 129-na a thu a, meeting hi Rev. Lalzuithaga, Synod Moderator-in a kaihruai. Tun tumah hian kum 2018 -2019 Budget ruahmanna te, Staff Nurse Apprenticeship training chungchang te, National Accreditation Board of Laboratory (NABL) Accrediation chungchang te, Aizawl West-I Area-a clinic hawn chungchang te, Dental Unit hawn chungchang te, Doctor Specialist post zat chungchang te, Disaster Management Plan siam chungchang te, Medical Conference leh CME-a kal dan kaihhruaina te, Nursing College leh Nursing School hawn kawp chungchang te, Bio-Medical Waste Management chungchang te, John Williams Hospital hming thlak rawtna te leh HIV Policy on HIV Care te, Dialysis khawl lei rawtna te leh thu pawimawh dang engmaw zat an thlir ho a ni. Synod Inkhawmpui atana Synod Department hrang hrangte inruahman lawkna Committee hi October 16, 2017 atang khan neih tan niin Pension Board an thu a, October 17, 2017-ah PRESCOM Board Committee a thu a, October 18, 2017 khan Sunday School Committee an thu leh a, October 19 & 20, 2017-ah Mission Board Committee, nimin (Oct. 23, 2015) khan Theological Education Board Committee an thu a, naktuk (Oct. 25, 2017)-ah Patoral Committee, October 26, 2017-ah Education Board Committee leh October 27, 2017-ah SL&PB Committee an thu leh ang. November thla chhungin Board leh Committee chi 4 an la thu leh bawk ang.