Vawiin Oct. 27, 2017 (Zirtawpni) hian Synod Literature and Publication Board meeting Vawi 21-na chu Synod Office a Lloyd Hall-ah an thu. Meeting hi Rev. Lalzuithanga, Synod Moderator-in a kaihruai a, Secretary hnen atangin report ngaithlak a ni a. Pathian Biak Inkhawm Hruaina Bu ennawn mek a nih thu te, kumin chhungin lehkhabu 35 tihchhuah a ni a, chhut mek 37 a awm mek thu te, Mizo Bible Zirna (Mizo Study Bible) te, Kohhran Chanchin Dictionary te, English-Mizo Dictionary te buatsaih mek a nih thu te report –ah tarlan a ni a. Tuntum meetingah hian Presbytery atanga thu lut, “Hruaina Eng bu chhuah tawh zawng zawng bu khata siam a, lei theih tura buatsaih ni rawh se,” tih te, kum 2018-19 Budget Estimate te thlir ho a ni.