Vawiin (Oct. 31, 2017) chawhnu dar 1:30 khan Aizawl Theological College (ATC) buatsaih Reformation kum 500-na tlin lawmna Chanmari Presbyterian Kohhran Biak Inah neih a ni. He programme hi Rev. Prof. C. Lalhlira, ATC Principal-in kaihruaiin hunserh a hmang a, Rev. Dr. H. Vanlalauva’n ‘The Legacy of Reformation and its Impacts on Worldwide Christianity’ tih thupui hmangin keynote address a pe a, Baptist Church of Mizoram, Evangelical Church of Maraland, Lairam Isua Krista Baptist Kohhran, Salvation Army, UPCNEI, Seventh Day Adventist, Roman Catholic Church leh Director, Calvin Study Centre-ATC atangin thusawi ngaihthlak a ni bawk. ATC Choir leh ATC Male Voice te an zai a, Rev. R. Lalthanmawian ‘95 Theses’ a tlangzarh bawk. Rev. Prof. Vanlalnghaka Ralte, ATC Vice Principal-in lawmthu sawina hun a hmang a, Rev. Dr. Lalchhuanliana’n malsawmnain programme a khar a ni. Oct. 27 - 29, 2017 chhung khan PCI buatsaihin Reformation Kum 500 tlin lawmna, Mawkhar Presbyterian Kohhran, KJP Synod Sepngi-ah neih a lo ni tawh a. Synod hrang hrang atangin zaipawl leh palai thahnem tak an kal a, Mizoram Synod atang pawhin mi 49 an kal a ni.