Nov. 5, 2017 (Pathianni) hian Mizoram Presbyterian Kohhran hnuaia Sunday School te chuan Khawvel Sunday School ni an hmang ang. Khawvel Sunday School Ni hi Philadelphia khuaa Tabernacle Presbyterian Kohhran Upa, Dr. George W. Bailey rawtna chu World’s Sunday School Association chuan pawmin kum 1910 atang khan hman tan a ni a. Khawvel Sunday School Ni hmasa ber programme hi tawng chi hrang hrang za chuanga lehlin a niin copy maktaduai tam tak khawvel ram hrang hrangah thawn darh a ni. Mizoramah chuan kum 1944 atang khan kan hmang tan a, November Pathianni hmasa berah hman thin a ni. Kum 1949 atangin thupui thlan bik zirho thin a ni a, kum 2001 atangin naupang lamin thupui hran zirin a hrangin hun hman a ni ta bawk. Kumin (2017) hian Sunday School hotute, zirtirtute leh zirlai zawng zawng belhkhawm hi mi 4,33,793 an ni a, Sunday School chawimawina chi hrang hrang siam tan kum 1967 atanga kumin thlenga chawimawina dawng tawh zawng zawng hi mi 40920 lai an tling tawh bawk. Mizoram Presbyterian Kohhran chuan hetiang hian thupui an zirho ang. Puitling - Zirtirna Diklo leh a rah chhuah (By Rev. Dr. L.H Rawsea) - Click Here Naupang - Adoniram Judson-a chanchin (By Rev. Lalsangbera) - Click Here