Vawiin (Nov. 17, 2017) chawhnu Dar 1 khan Aizawl Theological College chuan an College Campus, Durtlang Leitan-ah College Day vawi 52 na tluang takin an hmang.
He function hi Synod Moderator Rev Lalzuithanga'n a kaihruai a. College Principal Rev Prof C. Lalhlira'n inlawmna hun hmangin report a pe bawk.
College Day Speaker Rev. Dr Sunil M. Caleb, Principal, Bishop's College, Kolkata chuan College Day thupui, "Challenges in Christian Ministry" tih ngaihnawm takin a sawi.
He inkhawmah hian ATC Male Voice, ATC Choir leh Group Singing te ngaihthlak a nih hnuah Rev Prof Vanlalnghaka Ralte, Vice Principal-in vote of thanks a sawi a, Rev. R. Lalhmingthanga, TEB member-in malsawmnain hun a khar.
Aizawl Theological College hi kum 1907- a din niin, India rama Pathian Thu zirna College tha berte zingah a tel tawh a, tunah hian Residential course atan heng - Bachelor of Divinity (BD), Master of Theology (M.Th), Doctor of Theology (D.Th) leh Diploma in Clinical Pastoral Counselling (DCPC) zirna te a awm tawh a, heng bakah hian Bachelor in Christian Studies (BCS) leh Diploma in Chrsiatian Studies (Dip.CS) zirna te an kalpui mek bawk a ni.
