Zanin (Nov. 24, 2017) khan Praise On 2017 Final result, Khatla Kohhran Hall-ah puan a ni ta. Result puan programme-ah hian Upa Samuel Laldingliana, Praise On Programme Committee Chairman-in hunserh a hmang a, Upa V.L. Muanchhana, Praise On Organising Committee Secretary-in report tawi a pe a, Pu R. Lalnuntluanga, Praise On Organising Committee Chairman-in Judge te leh Khatla Kohhran hnenah lawmthu sawina a hlan. Pu K. Lalruatpuia, Praise On Programme Committee Secretary-in Consolation Prize a hlan leh a, Upa Zonunmawia, Central KTP General Secretary-in Special Award a hlan. Rev. B. Sangthanga, Executive Secretary i/c Synfo in Result a puang a, lawmman a sem nghal bawk. Khatla Branch KTP ten Special Item an nei a, nikum 2016-a Praise On-a pakhatna Nl. R. Lalrinmawii (Arini), Mizoram Synod Choir leh Praise On 2017 pakhatna te an zai bawk. Rev. Rualthankhuma, Khatla Bialtu Pastor-in malsawmnain programme a khar a ni.
Praise On 2017 hi Group zai intihsiakna a ni a, Synod Information & Publicity Department (Synfo) in Central KTP hriatpuinaa a buatsaih a ni. Show pumpui hi Khatla Kohhran, Aizawl in hneh takin an thleng a ni. Praise On 2017-ah hian KTP Branch hrang hrang atangin hming pe Group 70 an awm a, chung zing atang chuan group 65 an tel thei a, Aizawl pawn atangin Group 16 an awm bawk. September 26 & 27, 2017 khan Audition Round neih a ni a, October 12 & 13, 2017 khan Second Round neih leh a ni a, November 2 & 3, 2017 khan Third Round nei lehin November 21 & 23, 2017 khan Final Round neih a ni a, final round-ah hian Kristian Hla Bu a mi hla thlansa 4 zing atanga pakhat leh an hla duh ber an sa a ni.
Praise On 2017 ah hian lawmman atan pakhatna-in - Rs. 1,00,000/-, pahnihna-in - Rs. 50,000/-, pathumna-in - Rs. 30,000/- leh Trophy leh Certificate an dawng a, Top 10 chin hnenah Consolation Prize Rs. 10,000/- theuh hlan an ni bawk. Praise On 2017 a lawmman dawngtute chu :
Pakhatna - Dam Veng Branch, Venghnuai Bial
Pahnihna - Chanmari Branch, Chanmari Bial
Pathumna - Dawrpui Vengthar, Dawrpui Vengthar Bial
Best Combination Award - Armed Veng Branch, Armed Veng Bial
Most Inspirational Award - Muallungthu Branch, Muallungthu Bial
Consolation Prize dawngtute chu :
1. Armed Veng Branch, Armed Veng Bial
2. Chawnpui Branch, Chawnpui Bial
3. Electric Veng Branch, Electric Veng Bial
4. Govt. Complex Branch, Zonuam Bial
5. Kanan Branch, Vaivakawn Bial
6. Tlangnuam West Branch, Tlangnuam Bial
7. Tuikual North Branch, Tuikual Bial