Presbyterian Bible School (PBS) te chuan Nov. 28, 2017 khan an zirlai C. Th. Batch 41-na farewell and dedication hun Synod Conference Centre-ah an hmang. Thlahna inkhawm hi Rev. B. Sangthanga, Executive Secretary in a kaihruai a, Rev. K. Lalhmuchhuaka, Zirtirtuin inlawmna leh inhmelhriattirna hun a hmang. PBS Principal Rev. Lalneihvura’n report a pe a, Rev. Vanlalrawna’n zirchhuak mi 58 tehnenah Certificate a hlan a, Rev. R. Lalengmawia’n tawngtaisakna hun a hmang bawk. Chairman Rev. B. Sangthanga’n thuchah a sawi a, zirlai ti tha leh kalkim te lawmman Upa T. Vanlawma’n a hlan a, zirlai aiawhin Pu J.R. Lalchhuanliana’n thu a sawi bawk. Hemi zawh hian PBS Choir te an zai a, chumi zawhah Pu C. Awithanga chhungten Subject thenkhata ti tha te hnenah Pu C. Awithanga Awards an hlan a, Rev. C.M. Zalenthanga’n lawmthusawina hun a hmang a, Chairmanin malsawmna-in inkhawm a tin.