Vawiin (Nov. 29, 2017) chawhma dar 10 khan Synod Executive Committee vawi 270-na chu Synod Office-a JM Lloyd Hall-ah a thu. Meeting hi Synod Moderator Rev. Lalzuithanga’n a kaihruai a, Synod Secretary Rev. Lianhmingthanga Sailo in report a pe. He meeting hian thu ngaihtuah tur chhawpchhuah (agenda) 11 an nei a, an thu ngaihtuah tur zingah, Synod Worship Committee member thak chungchang te, Inneihtir theihna kawltu ruat chungchang te, kum 2020 Nilai leh Beihrual Thupui leh a ziaktu tur ruat te, Synod tharte nena thawh ho zui dan siam thu te, Synod Hospital-a thawkte Provident Fund Relaxation tawp chungchang te, Hmangaihna In Superintendent ruat te, PCI Administrative Secretary post atana rawtna te, Synod Transit Accomodation, Imphal chungchang te a tel a ni. Naktuk (Nov. 30, 2017) hian SEC Vawi 271-na an thu chhunzawm dawn a, Kum 2018-19 Budget thar tur an thlirho ang a, additional budget dilna ngaihtuah a ni bawk ang.