Nizan (Dec. 14, 2017) khan Presbyterian Hindi Bible School (PHBS) te chuan an Chapel-ah an zirlai Batch 60-na te Graduation Day –cum- Farewel an hmang. Inkhawm hi Rev. K. Lalthlanpuia, Principal, PHBS in a kaihruai a, zirlai atangin Bible chhiar leh tawngtaina hun hman a ni a, Upa C. Lalnghaklina, Synod Mission Board BEC memberin inlawmna leh inhmelhriattirna hun a hmang. PHBS zirtirtu Pi Vanlalruati Sailo chuan result puangin report a pe a, Synod Mission Board Secretary Rev. K. Lalrinmawia’n zirchhuak te certificate hlanin fuihna thuchah a sawi a, Rev. Vanlalbela’n tawngtaina hun a hmang a, PHBS zirtirtu Pu Ganesh Dateer-in lawmthu a sawi a, Rev. K. Lalthangmawia’n malsawmnain inkhawm a tin. He inkhawmah hian Aizawl East Area Choir te, Synod Mission Choir te an zai a, zirlai atangin special item neih a ni bawk.