Synod Office, Aizawl chuan nimin (Jan. 9, 2018) zing dar 9:30 khan Synod Office a thawk thar turte lawmluhna hun an hmang. Thawktu thar lawmluh inkhawm hi Rev. Lalramliana Pachuau, Senior Executive Secretary in a kaihruai a, thawktu thar te lawmluhna neiin thuchah a sawi a. Thawktu tharte leh thawk mekte chu Pathian tana theih tawpa thaa hna thawk turin a fuih a. Tun thleng hian Pathian khawngaihna avangin Kohhran hote hian inpumkhatna tha tak nen rawngbawl hna tha takin kan la kal pui zel a, a lawmawm a, mi thenkhatte sawiselna avanga inthlahdul mai lova tang sauh sauh zawk tur kan nihzia te a sawi bawk. Kuminah hian Synod Office a thawk turin Ramthar Field leh Synod department hrang hrang atangin mi 13 lakluh thar an ni a, tukin zingah khan mi 10 te chu lawmluh an ni a, mi pathum te erawh chu damlohna avangte leh hmun dang atanga rawn pem tur te an nih avangin an hna an la zawm thei lo a ni.