Covid-19 hripui leng mek dona kawnga Mizoram Sawrkar hma lakna hrang hrangah Mizoram Presbyterian Kohhran thlawpna leh tawiawmna avanga lawmthu sawina leh hunpui chibai bukna Minister, Health & Family Welfare etc. hnen atangin kan dawng.
Kum 2020 Synod Rorel angin Pastor Bial thar hawn, Pastor leh Pro. Pastor Induction neih hun leh a neihpuitu turte ruatna leh hriattirna tih chhuah a ni a. Bial thar hawn hun atan January 8, 2022 leh Pastor/Pro. Pastor Induction hun atan January 9, 2022 ruat a ni.
Minister/Pastor 30, Institution hrang hrang ATC, MTC leh FG&CC, Field Secretary, Chaplain leh Office-a thawk tura dahte an hna zawm hun tur chungchang vawiin (16.12.2021) khan Office Order tih chhuah a ni.
Nizan (Dec. 14, 2021) khan Synfo leh CKTP buatsaih Krismas Urlawk Live programme chu Golden Jubilee Hall, Mission Vengthlang Kohhranah tluang taka neih a ni.
Synod Inkhawmpui vawi 98-na chu Dec. 7, 2021 atang khan Republic Veng Kohhran Biak Inah neih tan a ni a, Inkhawmpui hian Dec. 12, 2021 (Pathianni) thleng a awh ang.
Synod Pastoral Committee-in Synod 2021-a chhawp chhuah tura Pro. Pastor a lakte an ni a. December 8, 2021 (Nilaini)-ah Synod Inkhawmpuiah inlan tur a ni.
Vawiin December 2, 2021 (Ningani) chawhma dar 11-ah khan Aizawl Theological College Chapel-ah Didakhe chanchinbu kum 50 (Golden Jubilee) tlin lawmna hun hman a ni.
Kum 2021 Synod Inkhawmpui lo awm tura palai riak lut tura hming pete thlen dan tur chungchanga hriattirna tihchhuah tawh (i.e. Nov. 30, 2021) chu tih danglam ngai a awm avangin siamthatna tih chhuah a ni a, palai turte hi Synod-in hmun hma a neih hrang hrangah thlen tir tura ruahmanna siam a ni leh ta zawk a ni.
Kum 2021 Synod Inkhawmpui lo awm tura palai riak lut tura hming pete thlen dan tur ruahmanna peih fel a ni ta a. Synod Conference Centre, Mission Vengah leh Pachhunga University College, College Vengah thlenna tur ruahman a ni.
Vawiin (Nov. 26, 2021) hi Kohhran Hmeichhe Ni vawi 25-na a ni a, hripui leng avanga kum danga hman thin ang chuan hman hleih theih a ni lo. Amaherawhchu, sorkar-in inkaihruaina a siam zui chungin a theih ang angin Kohhran Hmechhiaten he an Ni pawimawh hi hmangin "Ruth Bell Graham-i Chanchin an zirho ang.
SEC 291:47 of Sept. 21-23, 2021 leh Synod OM 20:9 of Oct. 30, 2021-in kum 2021 Synod Inkhawmpuia palai tur a ruahman tawh bakah SEC 292 leh OM 22:3 of Nov. 16, 2021 chuan a hnuai a mi te hi palai turin a ruat belh.
Mizorama Pathian thu zirna inpui ber Aizawl Theological College chuan kum tina a lo tih thin angin Nov. 19, 2021 khan College Day vawi 56-na an hmang a. Amaherawhchu kum dang angin a hmuna pun khawm tam theih a nih loh avangin YouTube-a pekchhuah a ni.
Mizoram Presbyterian Kohhran chuan kumthar 2022-a Puitling Sunday School zirlaibu tur chu a tichhuak ta. Mizoram puma Synod Bookroom dawr zawng zawngah lei theih tura dah mek a ni a, a chhut man Synod-in 25% a subsidised avangin Rs. 110 chauhin lei theih a ni ang.
Nov. 16 - 18, 2021 chhung khan Synod Finance Committee vawi 138-na chu J.M Lloyd Hall, Synod Office-ah an thu a, committee member 42 kalin Aizawl khawchhung atangin 24 leh Aizawl khaw pawn atangin 18 an kal.
Synod Officers' Meeting chuan MKHC ngenna angin Kohhran Inkhawmah Ram tana tawngtaina neih nise, Tualchhung Kohhran tinten thahnemngai taka tihlawhtling tura ngenna a siam.
