Vawiin (April 18, 2024) khan Missionary Training College (MTC) chuan B.Miss. zir zo mi 19 te thlahna hun (Graduation Day) vawi 12-na, Golden Jubilee Hall, Mission Vengthlang Kohhranah an hmang.
April 12-14, 2024 chhung hian Ram pum huap Kohhran Pavalai Pawl Intawhkhawm vawi-6 na chu East Lungdarah neih a ni ang. Nizan (April 11, 2024) khan pandal hlan inkhawm neih a ni a, mi 876 an inkhawm a ni.
April 10, 2024 (Nilaini) khan tun hnaia ruah leh thli avanga harsatna tawk Bilkhawthlir Hmarvenga chhungkaw 42, Tuithavenga chhungkaw 22 leh North Chawnpuia chhungkaw 4, an vaiin chhungkaw 68 te hnenah Rs.7,50,000/- pek a ni.
April 4, 2024 (Ningani) kha Kohhran Ni pawimawh, Mizorama Harhna thlen ni a nih avangin Kohhran hrang hrangah hman a ni a, Synod Office pawh khar a ni.
Vawiin (April 3, 2024) chawhnu dar 1:00 khan Synod Office J.M. Lloyd Hall-ah Mizorama Kohhrante Inpumkhatna (Council of Churches in Mizoram) Joint Committee an inhmukhawm a. Hetah hian kohhran hrang paruk aiawh an tel thei a, mi 37 an kal khawm a ni.
March 29, 2024 (Zirtawpni) hi Good Friday a ni a, March 28, 2024 (Maundy Thursday) atangin Good Friday Programme hman tan a ni ang.
MSSU leh Synod Information buatsaih, Naupang Pual Media Talent Show chu March 26 & 27, 2024 khan Golden Jubilee Hall, Mission Vengthlang Kohhranah neih a ni.
Vawiin (March 24, 2024) hi Tumkau Ni a ni a, Isua ropui taka Jerusalem a luh hriatrengna atana hman thin a ni a. Lal Isua chawimawiin naupangten tumkau kengin kawng an zawh thin.
Dr. Fraser's Clinic, Mission Venga mi chu room chei that, chei thar leh siam rem hna zawh fel niin luah theiha peih a ni a, vawiin (March 21, 2024) chawhma dar 10:00 khan Pathian hnena hlanna hun hman a ni.
Synod Revival Speaker-te tana buatsaih Intuaitharna hun chu March 19 - 22, 2024 chhung hian Synod Conference Centre-ah riakluta neih a ni a, Revival Speaker-te an kal kim thei a ni.
Synod Bookroom chuan kum tina an neih thin angin Mobile Bookshop nei turin tukin (March 18, 2024) khan an chhuak a, Tuichangral tlangdung, Tuipuiral tlangdung leh Sialkal tlangdung tlangdung te an tuam ang.
Vawiin ( March 14, 2024) zingkar khan Synod Hospital chuan World Kidney Day an hmang a, Pi Lalrinpuii, Health Minister chu Khuallian a ni.
March 8-10, 2024 chhung hian Dawrpui Kohhran Biak Inah Rorel Inkhawm vawi 12-na neih a ni dawn a. Rorel Inkhawmah hian thupui 'Thih thlenga rinawm' (Thupuan 2:10) niin Speaker chu Rev. C. Zorammawia, Senior Executive Secretary a ni ang.
Mizorama Thalai Inkhawmpui lian ber Kristian Thalai Pawl (KTP) General Conference vawi 60-na, Ngopa Public Playground, Ngopa-a nghah chu zanin (Feb. 29, 2024) atang hian tan a ni dawn ta.
Vawiin (Feb. 28, 2024) hi Zosap Missionary ten Mizoram Presbyterian Kohhran enkawl tura Synod Hospital a hlan ni champha (Hospital Day) vawi 96-na a ni.
