Vawiin (May 26, 2023) khan Synod Lay Workers’ Fellowship Annual General Meeting (Lay Day) chu Pi Zaii Hall, Synod Conference Centre, Mission Vengah neih a ni a, kumin Lay Day hi Synod Office leh Sikulpui thawktuten an thleng a ni.
Presbyterian Church of India, Mizoram Synod hnuaia Pastor Retreat chu May 23-26, 2023 chhung hian Aizawl Theological College, Durtlangah neih a ni a, Mizoram Synod hnuaia thawk mek, Pastor leh Minister-te bakah Pensioner mi 497 an tel a ni.
Synod Bookroom chuan kum tina an lo tih thin angin vawiin (May 25, 2023) khan Synod Bookroom Conference 2023 chu Synod Office Committee Room No. 2-ah an hmang.
Nizan (May 18, 2023) atang khan Synod Mission Board buatsaihin Central Region Missionary Retreat vawi 4-na, Chaltlang Kohhranah neih a ni a, May 21, 2023 (Pathianni) zanah a tiak ang.
Mizoram Synod, Family Guidance & Counselling Centre (FG&CC) in May 5 - 12, 2023 chhunga Church Leaders' Pastoral Care & Counselling Training vawi 36-na, Synod Conference Centre-a a buatsaih chu May 12, 2023 zanah ‘Final Evaluation & Graduation Service’ neiin khar a ni.
Vawiin (May 17, 2023) khan P.C. Girls' School-ah Synod Lay Workers' Fellowship member-ten Synod Hospital-a hman turin thisen an pe.
May 10, 2023 (Nilaini) hian Mizoram Presbyterian Kohhran hnuaia Pastoral rawngbawlna lam ngaihtuahtu, Synod Pastoral Committee chu J.M. Lloyd Hall, Synod Office-ah an thu.
India ram Presbyterian Kohhran (PCI) hnuaia thalai pawl Presbyterian Youth Fellowship (PYF) Biennial Conference Vawi 24-na chu Champhai Vengthlang Kohhran Biak Inah, April ni 28-30, 2023 chhung khan neih a ni.
May 3 & 4, 2023 khan MSSU buatsaihin Bial Sunday School Secretary-te tan Biennial Secretarial Training vawi 18-na chu Aizawl Theological College, Durtlang-ah neih a ni.
Nimin (April 26, 2023) khan Presbyterian Bible School (PBS) chuan Batch 54-na pualin Farewell & Dedication Programme, Pi Zaii Hall, Synod Conference Centre-ah an hmang.
Nimin (April 25, 2023) khan Missionary Training College (MTC) chuan B.Miss. zir zo mi 16 te thlahna hun (Graduation Day) vawi 11-na, Golden Jubilee Hall, Mission Vengthlang Kohhranah an hmang.
April 7, 2023 (Zirtawpni) hi Good Friday a ni a, April 9, 2023 (Pathianni) hi Easter Sunday a ni bawk a. April 6, 2023 (Maundy Thursday) atangin Good Friday Programme hi hman tan a ni ang.
Zanin (March ni 31, 2023) dar 7:00 khan Synod Information & Publicity Dept. (Synfo) leh MSSU tang kawpin Junior Dept. leh Intermediate dept. zirlaite tana Bible Spelling Bee a buatsaih chu Synfo Studio-ah Final intihsiakna neiin zawh fel a ni ta.
March 24-26, 2023 chhung khan Lunglei Chanmari Kohhran Biak Inah Home Mission South Missionary Intuaitharna neih a ni a, thupuiah ‘Thlarau thara rawngbawl’ (Rom 7:6) an hmang a, Rev. R. Lalhmingsanga, Mission Board Secretary chu Speaker a ni.
Nimin (March 28, 2023) khan BCM Meeting Hall, BCM Office, Lungleiah Council of Churches in Mizoram ruangam tur duangtu Drafting Committee an thu khawm a, Lungrual takin Church Council ruangam (structure) an duang fel.