Synod Revival Speaker-te tana buatsaih Intuaitharna hun chu March ni 21 - 24, 2023 chhung hian Synod Conference Centre-ah riakluta neih a ni.
Synod Information Dept. (Synfo) leh MSSU tang kawpin Junior Dept. leh Intermediate dept. zirlaite tana Bible Spelling Bee a buatsaih chu March ni 22 leh 23, 2023 khan a thawh hnihna neih leh a ni.
Vawiin (March 17, 2023) chawhnu dar hnih khan Synod Bookroom Vaivakawn Branch building thar chu Rev. V.L. Luaia Hranleh, Exe. Secretary i/c PRESCOM chuan Pathian hnena hlanin building tharah insuan luh fel a ni ta.
Nimin (March 15, 2023) khan Mizorama Chanchin Tha thlen Ni champha chu Kohhran hrang hrangah hman niin special programme-a hman a ni a, Synod Office pawh khar a ni.
March 10-12, 2023 chhung hian Presbyterian Kohhran Hmeichhe Inkhawmpui Lian, vawi 50-na chu GSA Playground, Darlawnah neih a ni ang.
Vawiin (March 9, 2023) hian Presbyterian English School (PES) Principals’ Meet Synod Conference Centre-ah neih a ni a, PES 157 atangin Principal 104 an tel thei.
Vawiin (March 7, 2023) khan Synod Partnership Committee leh Mizoram chhunga rawngbawlna lama a thawhpui pawl hrang hrangte chu Synod Office Devotion Hall-ah an inhmukhawm a, mi 71 an kal.
March 3-5, 2023 chhung hian KTP Rorel Inkhawm vawi 10-na chu Zemabawk Kohhran Biak Inah neih a ni ang.
Mizoram Presbyterian Kohhran hnuaia Synod Committee sang, Synod Executive Committee vawi 301-na chu February 21-23, 2023 chhung hian an thu mek.
Vawiin (Feb. 16, 2023) hi KTP day a ni a, Branch tam takin a lawmna hun an hmang.
Vawiin (Feb. 16, 2023) chawhma dar 10 khan Synod Finance Committee, vawi 144-na chu Synod Office-a J.M Lloyd Hall-ah an thu a, member 40 an kal.
February 10-12, 2023 chhung hian Bial hrang hrangah Bial Kohhran Hmeichhe Inkhawmpui neih a ni ang.
January 31-February 3, 2023 chhung hian Synod 2022-in Pro. Pastor a lak tharte tan Pro. Pastor Orientation Programme, Synod Conference Centre-ah neih a ni.
February 5, 2023 (Pathianni) chawhnu dar 1:30 hian Mission Vengthlang Kohhran Biak In-ah Synod Mission Board hnuaia thawk tur Missionary Tirh chhuah inkhawm neih a ni ang.
Nimin (Feb. 1, 2023) khan Synod Ramthar Board meeting vawi 178-na chu J.M. Lloyd Hall-ah an thu a, Aizawl khawpui chhung atangin member 33 leh Aizawl khawpui pawn atangin member 46, an vaiin member 79 an kal.
